منتدي فراشات النور
أنت الآن في موقع الكاتبة د/عطيات أبو العينين إما أن تسجل أو تدخل أو تتصفح كزائر بالضغط علي إخفاء

منتدي فراشات النور

مرحباً بك في منتدي فراشات النور الخاص ب الدكتورة عطيات أبو العينين
 
الرئيسيةالبوابةاليوميةمكتبة الصورس .و .جبحـثالأعضاءالمجموعاتالتسجيلدخول
  




















دخول
اسم العضو:
كلمة السر:
ادخلني بشكل آلي عند زيارتي مرة اخرى: 
:: لقد نسيت كلمة السر
المواضيع الأخيرة
» الإعلامية د.عطيات أبو العينين على mixclouds
الخميس أبريل 16, 2015 4:14 pm من طرف د/عطيات

» السعار أحدث رواياتي في 2015
الثلاثاء أبريل 07, 2015 11:39 am من طرف د/عطيات

» البدو أمراء الصحراء أحدث كتب د.عطيات أبو العينين
السبت يوليو 12, 2014 7:27 am من طرف د/عطيات

» استقالة المشير السيسي ويوم تشرق فيه الشمس
الأربعاء مارس 26, 2014 2:25 pm من طرف د/عطيات

» البدو أمراء الصحراء صلاح معاطي د.عطيات أبو العينين
السبت فبراير 15, 2014 12:32 pm من طرف د/عطيات

» لقاء د/عطيات أبو العينين على قناة القاهرة برنامج بيت الهنا
السبت فبراير 15, 2014 11:55 am من طرف د/عطيات

» أدب الخيال العلمي في المجلس الأعلى للثقافة 22/5/2013
السبت فبراير 15, 2014 11:55 am من طرف د/عطيات

» مسلسل العنف والخيانة د.عطيات أبو العينين
الثلاثاء ديسمبر 24, 2013 3:06 pm من طرف د/عطيات

» رواية رقص العقارب للروائية د عطيات أبو العينين
الثلاثاء سبتمبر 24, 2013 8:00 am من طرف د/عطيات

» رواية مهسوري للروائية د عطيات أبو العينين
الثلاثاء سبتمبر 24, 2013 7:57 am من طرف د/عطيات

» أحلام صغيرة قصة قصيرة بقلم د.عطيات أبو العينين
الخميس مايو 16, 2013 5:11 pm من طرف د/عطيات

» الخوارزمــــــــــــي الصغيـــــــــــــــــــــــر
الإثنين مارس 11, 2013 7:21 am من طرف سارة الشريف

» نادي القصة بستضيف مهسوري 18 مارس ود/عطيات أبو العينين
الأحد مارس 10, 2013 4:17 pm من طرف د/عطيات

» علاج البرص/البهاق إعتراف على الهاتف # عشاب السراغنة
الإثنين فبراير 11, 2013 2:36 pm من طرف د/عطيات

» القران الكريم
الإثنين ديسمبر 24, 2012 12:29 pm من طرف د/عطيات

» مويان في جائزة نوبل أنا وأمي والحكايات جريدة أخبار الأدب العدد 1011
الثلاثاء ديسمبر 18, 2012 10:31 am من طرف د/عطيات

» مهاتير محمد رائد التهضة الماليزية د/عطيات أبو العينين
الثلاثاء نوفمبر 27, 2012 1:55 pm من طرف د/عطيات

» هَتْصَدَقِيِ
الإثنين نوفمبر 26, 2012 4:19 pm من طرف matter99

» سُوقْ عَرَبِيتَكْ
الإثنين نوفمبر 19, 2012 5:00 pm من طرف matter99

» يا بنت الإيه
الإثنين نوفمبر 12, 2012 4:07 pm من طرف matter99

بحـث
 
 

نتائج البحث
 
Rechercher بحث متقدم
المتواجدون الآن ؟
ككل هناك 1 عُضو حالياً في هذا المنتدى :: 0 عضو مُسجل, 0 عُضو مُختفي و 1 زائر

لا أحد

أكبر عدد للأعضاء المتواجدين في هذا المنتدى في نفس الوقت كان 83 بتاريخ الأربعاء يوليو 11, 2012 1:36 pm
احصائيات
هذا المنتدى يتوفر على 91 عُضو.
آخر عُضو مُسجل هو مريم الفراشة فمرحباً به.

أعضاؤنا قدموا 694 مساهمة في هذا المنتدى في 394 موضوع
أفضل 10 أعضاء في هذا المنتدى
د/عطيات
 
ابراهيم خليل ابراهيم
 
حسن حجازى
 
matter99
 
الدكتور نادر عبد الخالق
 
حمدى البابلى
 
اياد البلداوي
 
محمد نجيب مطر
 
حسين علي محمد
 
أحمد الطائف
 

شاطر | 
 

 لمحت الحزن ف عيونك

اذهب الى الأسفل 
كاتب الموضوعرسالة
matter99

avatar

ذكر
عدد الرسائل : 41
المهنة : شاعر
الهوايات : القصة والشعر والرياضة
نقاط : 14835
السٌّمعَة : 1
تاريخ التسجيل : 08/03/2012

مُساهمةموضوع: لمحت الحزن ف عيونك   الثلاثاء أكتوبر 16, 2012 5:34 pm


لمحت الحزن ف عيونك
سنين ودهور
رأيت الدمعة ف خدودك
تهد الكون
بكيت من كتر أحزانك
رميت نفسي في أحضانك
قطفت ليكي كام زهرة
من الياسمين
هدية لقلبك العاشق
سنين وسنين
وباحسد عمري من
حبه الكبير ليكي
وبفضل أَلِفْ حواليكي
وكان نفسي
اشوف في عنيكي قوتنا
أحس بحضنك الدافي
ف حيطان بيتنا
يكون قمحك بكل عيدانه
من غيطنا
اشوف اسمي على جبينك
الاقي فرحتي ف نيلك
لكن دايما بلاقي الحلم
متحني بسواد ليلك
مِطَفِي كل قناديلك
وادور ع اللي راح
من عمري وياكي
الاقي اليأس متعشش
ف مرساكي
لا هقدر اكون مجرد
دمعة ف جفونك
ولا اتمنى الاقي الحزن
ف عيونك
وبابعد كل يوم عنك
وبحلف لك بان ف يوم
راح أرجع لك
لحد ماتوه باشواقي
ف وسط نجوم
لحد مايبقى فوق ضهري
هموم بالكوم
لحد ماييجي رباني
يِشَرَقْ يوم
ويوم تاني يلاقي في
سَمَانا غيوم
يِغَرَبْ سِكِتُه ويِبْعِدْ
وفاكر انه بِيْقَرَبْ
يزيد توهانه في الدنيا
ويعرف ان ده المكتوب
يقرب يوم
ويبعد يوم
لكن برضه يلاقي غيوم
تِعِبْتْ خلاص من التوهان
مانش فاكر ولا فهمان
اشوفك وانتي بتشاوري
وبتجادلي وبتحاوري
تحاكمي وتحكمي فينا
زمان ريا مع سكينة
ياريتك تبقي مرتاحة
من الجاية وم الراحة
تدليني على مَرَضِي
تعيدي لي خضار أرضي
تعالجيني بقرار يِرْضِي
كفرت بحبك الجاري
ومية نيلك الغالي
ولسعة شمسك الدافيَة
وكل مافيكي من مَافْيَا
يقولوا لك يا أم الدنيا
ايه حاصل
مابين الوصلة والوصلة
بنتحاصر
مابين سكتي وبابك
منا بواصل
تِهْدِي يومين وتصحي
تِقَلِبِي الدنيا
مش انت أمي ولاعيالك
كانت نايمة
ولا صونتي لأحفادك
بيوت قايمة
ولا شْبِعْتِي م الفرحة
في يوم نصرك
ولا كان التاريخ شاهد
على عصرك
وف الآخر
لقينا الحب في قلوبنا
بِيِتَاخِر
وجانا الظلم م الآخِر
خذلتينا
بنيتي سدودنا قدامنا
وحوالينا
خلقتي كتير من الإحباط
يغذينا
كسرتي حبنا ليكي
زرعتي المُرْ حواليكي
وبعد الدنيا ماتْضَلِمْ
ونور الشمس مايْغَيِمْ
نِتُوُهْ بَعْدِكْ في ألف طريق
طريق فيهم بيبعدني
وف الآخر ألاقي الريح
وكل طريق يوديني
لطريق تاني
الاقي في آخره سِهْرايَة
بدون مصابيح
وبسأل نفسي ألف سؤال
ليه الظالم يكون حاكم
وليه المظلوم يصير محكوم
ليه انتي بس ياجزيرتي
مع الظالم على المظلوم
مع العاطب على المعطوب
لكن باحلم بأن الشمس
ماتْغَرَبْ
وان النيل هيرجع تاني
ويْقَرَبْ
وان قلوبنا في الآخر
هتنده لك
ويِرْجَعْ حبنا لأهلك
ولون قمحك
هيرجع تاني يِعْطِيِنَا
وشجر التين يغطينا
ونيلك لما ننده له
نعوم والشط يحمينا
ونبعد عن زمان ثورة
ونستنى
واحد تاني مهوش موجود
شبه واحد في قلوبنا
تاريخ مشهود
مجاش زيه لحد الآن
طالت غيبته
حابب صورته
كانت ف قلوبنا م الأول
ونتحول
وترجع مصر من تاني
تهز الكون
تعدي المحنة وتعوض
قرون وقرون
تلاقي العُرْبْ محتاجة
طعام وهدوم
كما الأول ماتبخلش
وتديهم
عشان دورها كأم الدنيا
تفديهم
ومن قُوُتْهَا بتحميهم
تكبرهم وجوه القلب
ترعاهم
تكون في القلب شايلاهم
تعلمهم
تربيهم
توريهم أصول اللعب
ويا الكون
تشيل عنهم هموم
وظنون
وفي الآخر نعيش الحلم
م الأول
ونتجمع كما الأول
ونِقْوَىَ بوحدة المجموع
نِرَجَعْ عزنا المشروع
نجيب الحق م العادي
وبيكون الجميع راضي
وتِرْجَعْ شمسنا تْغَنِي
ومجدك يعلىَ ويجلِي
ونِرْجَعْ لِزَمان وَلَىَ
ونتمنى
نِعَوَضْ اللي فات منا
نِفَتَحْ من سواد ليلنا
ياريت أيامك الحلوة
تعود لينا
ياريت الطيبة ف
عيونك تداوينا
ياريت القسوة تِدَارىَ
ف قلب الريح
نعيش اللحظة من تاني
بدون مجاريح
ونِنْهِي الأزمة ويا الليل
نِرَجَعْ للزمان مواويل
***************
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
لمحت الحزن ف عيونك
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدي فراشات النور :: الأدب :: الشعر-
انتقل الى: