منتدي فراشات النور
أنت الآن في موقع الكاتبة د/عطيات أبو العينين إما أن تسجل أو تدخل أو تتصفح كزائر بالضغط علي إخفاء

منتدي فراشات النور

مرحباً بك في منتدي فراشات النور الخاص ب الدكتورة عطيات أبو العينين
 
الرئيسيةالبوابةاليوميةمكتبة الصورس .و .جبحـثالأعضاءالمجموعاتالتسجيلدخول
  




















دخول
اسم العضو:
كلمة السر:
ادخلني بشكل آلي عند زيارتي مرة اخرى: 
:: لقد نسيت كلمة السر
المواضيع الأخيرة
» الإعلامية د.عطيات أبو العينين على mixclouds
الخميس أبريل 16, 2015 4:14 pm من طرف د/عطيات

» السعار أحدث رواياتي في 2015
الثلاثاء أبريل 07, 2015 11:39 am من طرف د/عطيات

» البدو أمراء الصحراء أحدث كتب د.عطيات أبو العينين
السبت يوليو 12, 2014 7:27 am من طرف د/عطيات

» استقالة المشير السيسي ويوم تشرق فيه الشمس
الأربعاء مارس 26, 2014 2:25 pm من طرف د/عطيات

» البدو أمراء الصحراء صلاح معاطي د.عطيات أبو العينين
السبت فبراير 15, 2014 12:32 pm من طرف د/عطيات

» لقاء د/عطيات أبو العينين على قناة القاهرة برنامج بيت الهنا
السبت فبراير 15, 2014 11:55 am من طرف د/عطيات

» أدب الخيال العلمي في المجلس الأعلى للثقافة 22/5/2013
السبت فبراير 15, 2014 11:55 am من طرف د/عطيات

» مسلسل العنف والخيانة د.عطيات أبو العينين
الثلاثاء ديسمبر 24, 2013 3:06 pm من طرف د/عطيات

» رواية رقص العقارب للروائية د عطيات أبو العينين
الثلاثاء سبتمبر 24, 2013 8:00 am من طرف د/عطيات

» رواية مهسوري للروائية د عطيات أبو العينين
الثلاثاء سبتمبر 24, 2013 7:57 am من طرف د/عطيات

» أحلام صغيرة قصة قصيرة بقلم د.عطيات أبو العينين
الخميس مايو 16, 2013 5:11 pm من طرف د/عطيات

» الخوارزمــــــــــــي الصغيـــــــــــــــــــــــر
الإثنين مارس 11, 2013 7:21 am من طرف سارة الشريف

» نادي القصة بستضيف مهسوري 18 مارس ود/عطيات أبو العينين
الأحد مارس 10, 2013 4:17 pm من طرف د/عطيات

» علاج البرص/البهاق إعتراف على الهاتف # عشاب السراغنة
الإثنين فبراير 11, 2013 2:36 pm من طرف د/عطيات

» القران الكريم
الإثنين ديسمبر 24, 2012 12:29 pm من طرف د/عطيات

» مويان في جائزة نوبل أنا وأمي والحكايات جريدة أخبار الأدب العدد 1011
الثلاثاء ديسمبر 18, 2012 10:31 am من طرف د/عطيات

» مهاتير محمد رائد التهضة الماليزية د/عطيات أبو العينين
الثلاثاء نوفمبر 27, 2012 1:55 pm من طرف د/عطيات

» هَتْصَدَقِيِ
الإثنين نوفمبر 26, 2012 4:19 pm من طرف matter99

» سُوقْ عَرَبِيتَكْ
الإثنين نوفمبر 19, 2012 5:00 pm من طرف matter99

» يا بنت الإيه
الإثنين نوفمبر 12, 2012 4:07 pm من طرف matter99

بحـث
 
 

نتائج البحث
 
Rechercher بحث متقدم
المتواجدون الآن ؟
ككل هناك 1 عُضو حالياً في هذا المنتدى :: 0 عضو مُسجل, 0 عُضو مُختفي و 1 زائر

لا أحد

أكبر عدد للأعضاء المتواجدين في هذا المنتدى في نفس الوقت كان 83 بتاريخ الأربعاء يوليو 11, 2012 1:36 pm
احصائيات
هذا المنتدى يتوفر على 91 عُضو.
آخر عُضو مُسجل هو مريم الفراشة فمرحباً به.

أعضاؤنا قدموا 694 مساهمة في هذا المنتدى في 394 موضوع
أفضل 10 أعضاء في هذا المنتدى
د/عطيات
 
ابراهيم خليل ابراهيم
 
حسن حجازى
 
matter99
 
الدكتور نادر عبد الخالق
 
حمدى البابلى
 
اياد البلداوي
 
محمد نجيب مطر
 
حسين علي محمد
 
أحمد الطائف
 

شاطر | 
 

 ذكريات

اذهب الى الأسفل 
كاتب الموضوعرسالة
matter99

avatar

ذكر
عدد الرسائل : 41
المهنة : شاعر
الهوايات : القصة والشعر والرياضة
نقاط : 14835
السٌّمعَة : 1
تاريخ التسجيل : 08/03/2012

مُساهمةموضوع: ذكريات   الأحد مارس 18, 2012 3:16 pm

ذكريات
الإيدين هى الإيدين
زى قلبك مرتاحين
والعنين مش شايفة
غير قلبي الحزين
والشفايف لسه برضه ملونين
وكل ألوان الحياة لسه
ماشْيَهْ ف خَطْوِتِكْ
مَشْيِتِكْ متغيرتشي عن زمان
غير بقت أسرع من الأول كمان
والوزن زاد بس وحياتك جنان
جواكي لسه قنبلة تفجر حنان
والخطوة لما بتمشي
أحلى من صوت الكمان
الضحكة لما سمعتها حسيت بأيام الحنين
والصوت بنفس رنته كأن مامرت سنين
والزمن ضل الطريق لِطَلْعِتِكْ
اللي ف زمانها كات دليل على رِقِتِكْ
لا الزمن يقدر عليكي
ولا حزني نَزِلْ دَمْعِتِكْ
ولما عشاقك لاقوكي
كان غرضهم جوه قلبي يِحبسوكي
ولما حسادك رَمُوكِي
رحت ادور عن مَكانِكْ
واسأل الدنيا عليكي
وانتي وانا
كنا قصة ماتتنسيش
كنت مجنونك ياليلى
بس من غير أى طيش
كنت عنتر وانتي عبلة
جوه شارع من قُرِيشْ
لِسَْانِي فاكر ضحكتك
لما كنت بألقىَ نفسي ف سكتك
نزلِت دموعي لما جاتِ لك قِسمِتك
كنت خايف من خيانتك للعهود
كنت اكدب نفسي واصَدَقْ الوعود
كنت شايف دنيتك راضية بسكات
والوقت محسوب بالساعات
والنصيب قالوا يجيب كل اللي فات
واللي فات مايِرَجَعْ الحب اللي مات
شكلك ياقلبي ماختلف
ونبضي لسه بيعترف
وانتي نسيتي وتناسيتي
على فِتْنِةْ الدنيا وجريتي
وانا لسه بكتب في الكلام
عشان خاطر عنيكي
والقلب لسه بدقته
وف نيته ينده عليكي
والكلمة لسه ف قلبي
عايشة بتناديكي
لما قالك قلبي مرة عن دواكي
كنت باحلف لك ياقلبي
ان انا مخلوق معاكي
ان أنا مهما قسيتي
لسه طاير في سماكي
فاكرة لما نَقَلْتِي دمي
لاجل يحفظ لك حياتك
صُورْتِي كانِتْ ويا صورتِكْ
لما كانت جوه ذاتَك
كات حياتك ياحبيبتي
بتْتْوِلِدْ بس بشروط
لما قلتي لي ده مهري
ادفعه لحسن أموت
كنت واثق انك أنت
هتفضلي ف الدنيا ليا
حتى لو كانت حياتي
ممكن تتقدم هديه
والزمن ساعة جراحتك
كان أمين
واللي كانوا مشغولين
كلهم كانوا قلقانين
وانا بصراحة كنت مش عاوز
أقول تبقي انتي مين
كنت مرعوب خايف عليكي مِنِهُمْ
كنت افكر هو ضروي أقول لهم
تبقي انتي مين
انك حبيبة عمر خايف م اللي جَىْ
انك حياتي من قبل ماعرف اني حَىْ
اني بدونك سكة مفيهاش أى نور
ان في عيونك جزيرة تايهه ف البحور
ان الحياة من غير وجودك
تبقى مجموعة قبور
انك ياقلبي وجه تاني للحياة
انك دوا لكل محروم من شفاه
انك عنين للدنيا مشتاقة لرموش
انك مصير ماخترتهوش
انك حصان ماسبقتهوش
انك حياه انك أمل
انك من الآخر ياحبي نقطة الضعف
الوحيدة اللي ف حياتي
ان فراقك هو أسبابي لوفاتي
والوقت طال وانا شايفك جوه غار
والجروح كانت بتتحدى الحِصار
واللِيلْ طويل والسما صارِت نَهارْ
والقلق يكبر وجُوَهْ القلب نار
كنت واقف باترِعِبْ لحسن تروحي
كنت عارفك مش قوية
كنت عارف فين جروحي
كنت باتكلم معاكي
وانتي كنت ف دنيا تانية
كنت شايفك في خيالي
بتحلمي انك عفية
وافتكرت الماضي كله
لما كان الكل نايم واحنا
جوه الليل نفسر حلمنا
كنا بنذاكر دروسنا
والقلوب مشغوله بينا عَنِنَا
كنت مش شايف الكلام
اللي مكتوب ف الكتاب
كنت اشوف صورتك ف
كل صفحة ف كل فصل ف كل باب
واما ييجي الليل يودع النجوم
والنهار يبدأ يبان جوه الغيوم
أشوف ايديا ماسكة فيكي
وألقى عنية رايحة ليكي
واشوف حياتي ودنيتي
مايساووش نظرة عنيكي
والنهرده لما شفتك صدفه
ماشية ف سكتك
ابتدى قلبي يرفرف
وافتكرت دنيتك
اصلك أنتي ياحبيبتي
متعرفيش اللي جَرَىَ ليِ
من يوم مارحتي من اِيدَيَا
وانتي همي وانتي ناري
غصب عني مش خََيَاري
تعبت من غيرك قوي
كنت ف عذابي بنكوي
ومن دموعي بارتوي
الدنيا من غيرك سراب
وانت ف حياتك ألف باب
الطريق قدامي كان صعب وعنيف
وفضلت واقف ع الرصيف
أشوف خيالك جوه أشجار الخريف
والقاك في عيون البنات
وألعن اليوم اللي فات
وافتكر الذكريات
لما تعبت من الوجود
فَضَلْتْ أموت قلت أنتحر
ولما زهقت م الانتظار
قلت اجرب الاختيار
شفت غيرك مختلف عنك كتير
مش في لونك ولا شكله كان جميل
وارْتَبَطْ ومُتْ مستني الحساب
والتَقِيتِكْ يوم قيامتي
كان حقيقي مش سراب
لمَا رحت الجنة شفتك والتَقِيتِكْ
زى ماشفت الحياه من جوه بيتك
لما عرفت انك انتي جايه لِيَهْ
لاجل ماتكوني حورية
جاية عندي جوه خانتي
والحساب هو حَسَنْتِي
وعرفت ليه إنك أميرة
مش أسيرة
عاوزة قلبي عاوزة عقلي
عاوزة طيارة وسفينة
يالله ياحبي الوحيد
نبدأ حياتنا من جديد
نرجع لأيام الوجود
جوه جنة الخلود
فيها السعادة بدون حدود
لكن وبدون مقدمات سمعت صوت
كان ألف صوت جاى من عيون الموت
صوت شريكة عرفتها ف لحظة قنوط
صوت وليه مُفْتَرِيَهْ عاملة فيها أَخْطَبُوطْ
فقت من حلمي الجميل
ع الكابوس بن اللئيم
ليه ياربي حبي ده يبقى سراب
وليه ندوق في الدنيا دي طعم المرار

**********************



الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
ذكريات
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدي فراشات النور :: الأدب :: الشعر-
انتقل الى: